Bidrag til ny barnehage
Skrive av redaktøren måndag 14. november 2011
Det har i mange år vore eit sterkt ynskje om utbygging av Rand skule og barnehage, og prosjektet var i vår ute på anbod. Det er teikna ei god løysing der ein vil bruke arealet inne i hesteskoen til ny hovudinngang, garderobar, toalett og eit nytt og større kjøkken for bruk av både skule, barnehage og grendahus. Barnehagen vil nytte eksisterande garderobe- og kjøkkenareal. Innkome tilbod var ca. 2,5 million kroner over budsjettramme og prosjektet vart dermed sett på vent.
