Vi har tidlegare år hatt ei serieskyting kalla Sparebanken Sogn og Fjordane Cupen for banestemne i Sunnfjord, Sogn Indre og Sogn Ytre. Avtalen med Sparebanken Sogn og Fjordane gjekk ut i fjor, og inntil vidare fekk vi ikkje fornya den. Nordfjord har sin Toyota-cup saman med Sunnmøre som går også i 2013.
Fjordane Krets av DFS har for 2013 teke ansvaret for ein ny serieskyting for heile fylket og som er open berre for skyttarar som er medlem i skyttarlag her i fylket.
Vi håpar dette blir vellukka og får deltakarar frå heile fylket !
Sunnfjord Skyttarsamlag har fått ansvaret for administrasjon og Florø Skyttarlag har sagt seg villige til å arrangere finalen laurdag 17. august.
Det blir som tidlegare premiering både etter innleiande skyting og på finalen.
For rekrutt - junior blir det gratis deltaking og dei treng heller ikkje melde seg på.
For senior og veteran blir det ei deltakaravgift på 100 kr pr skyttar for heile serien, og desse skyttarane må melde seg på og betale deltakaravgifta på førehand.
Berre stemna etter påmelding vil telje for desse skyttarane.
Skyttarane melder seg på lagvis og gir beskjed til Øystein Tytingvåg viss du ønsker å være med på denne serien. Frist 15 april. (Tidligare for dei som skal delta på Vårtreffen i Sogn indre.)
Resultatlistene blir oppdatert og lagt ut på Sunnfjord si nettside.
