I samband med at det i dei neste åra ligg føre store utfordringar med oppgradering og nyinvesteringar på Leite, vil ein i idrettslaget lage ein arealplan for området. Det ligg planar inne for eit nytt lagerbygg, oppgradering eventuelt ny standplass og nye blinkar, nytt toalett/sanitæranlegg. Då må vi og ha vatn ned til Leite.

Det er difor viktig å lage ein fullstendig plan over plassering av anlegga, slik at ein ikkje klattar eller "skit" seg fast med å eventuelt bygge der ein seinare finn ut at ein burde hatt ei anna løysing. Det er og lettare å lage ein god framdriftsplan med ein god arealplan for området.

Vi ynskjer at alle dei som har gode idear om alternative løysingar for plassering og utforming av bygg/anlegg/standplass, tek kontakt med anten Edvar eller Roy Cato. Helst innan 1. mars, slik at vi får god tid til å lage ein god plan.

Vidare framdriftsplan er å kunne få ein aksept frå grunneigarane dersom nokon av løysingane kjem utanom idrettslaget si eige. Deretter blir det å vurdere kva som er teknisk mogleg, mest tenleg for laget og kva som er økonomisk forsvarleg!

Vi vonar de legg haudå i blaut, slik at vi kan oppnå dei beste løysingane !

Styret Hardbagg Idrettslag
v/Edvar Tvinnereim